نبدا بسم الله ونجيب كوس دجاج نحطو في رسبييون ونقوم بتتبيله باضافة ملح وفلفل اسود زنجبيل وكركم وكاري دجاج ونبرش 3فص ثوم مع م ك زيت ونضيف م ك طماطم مصبرة نتبل الدجاج جيدا ونحتفظ بيه فالثلاجة مدة ساعة ثم نحضر الخضروات البطاطا والكوسا

نجيب طنجرة ضغط نضع فيها قطع الدجاج ونحط الطنجرة على نار هادئة نقليها جيدا ثم الصحن الذي بقيت فيه التتبيلة نضيف عليه كاش ماء

نفرغ كاش الماء عالدجاج ثم نسحن حوالي 2كاس ماء نضيفه عالدجاج ونغلق الطنجرة ونخليها مدة ساعة إلا ربع ونرجع الخضروات نقطع الكوسا الى دوائر و البطاطا طوليا

نحط مقلاة فالنار ونقلي البطاطا في زيت غزير ثم نقلي حبات الكوسا

نفتح عالطنجرة بعد ماطاب الدجاج ونحط في صحن ونخلي كمية المرق تنقص ونرجع في نفس المقلاة نحمر قطع الدجاج بعد ما دهنتو بالزبدة

بعد ذلك نجيب صحن تقديم نحط فيه البطاطا المقلية والكوسا ثم نطفي النار عالدجاج بعد ماتحمر جيدا ثم نرجعو في كمية المرق يغلي قليلا ثم نطفي عليه النار

فالاخير نطفي النار ونقدم الدجاج المحمر فالكوكوط بطريقة مختلفة مع البطاطا المقلية والكوسا و ونضيف كمية من المرق فالوسط ونقدمو كوجبة للعشاء او الغداء والف صحة وعافية

أخيرا الطبق تاعي جاء بزاااف بنين (لذيذ) خصوصا المرق الذي قدمته مع الدجاج