بنسلق المعكرونه كل خمسه مع بعض حتى ما يلزقو

بنحطهم على ورق زبده حتى ما يلزقو

بنحمي زيت وبنحط بصلة مفرومه ناعم وبندبلها

بعدها اللحمه والبهارات

بس يتذبلو وتنزل ميتهم بنحط رب البندوره وبنخليها تتسبك

البشاميل بالخلاط اربع كاسات حليب والزبده والطحين ومعكب الماجي ورشة جوزة الطيب

بعدها بنحطهم الغاز وبنضل نحرك فيهم حتى يشتدو

بصينية بايركس بنحط طبقة بشاميل بعدها معكرونه بعدها لحمه بعدها بشاميل حتى نخلص كل الطبقات واخر طبقة معكرونه بنحط بشاميل طبقه منيحه وبنبرش جبنه اذا بتحبو

انا ما حطيت جبنه وعالفرن ٢٠ دقيقه تقريبا بعدين بنشعل الشوايه حتى يحمر وجها

صحتين وعافيه