بالخلاط الكهربا منحط المي والسميد والطحين والسكر وحليب بودرة وفانيليا والبيكنغ باودر ورشة الملح ومنشغل الخلاط مدة عشر دقائق حتى يمتزج جميع المكونات مع بعضها وتختفي اي تكتلات موجودة

ويصير عنا مزيج لا خفيف ولاسميك.. يعني وسط

بعدا بنصب الخليط فوق مصفاي ليمر من فتحات المصفاي بسهولة ولنتاكد انو نتخلص من جميع التكتلات البقيانة ومنحط المزيج بركوة قهوة ومنصب من الخليط على مقلاة تيفال ساخنة مسبقا على حرارة وسط وبدنا نراعي انو تكون العجينة بنفس الحجم

وبنستنى حتى ينشف وجه العجينة كالشكل بعدا منشيلها

منستمر بهالعملية لتخلص كل الكمية الموجودة عنا كالشكل.. ومنغطي العجينة لتضل محافظة ع طراوتا وتصل تازة

بعدا منحشيا بالقشطة ومنشكل القطايف العصافيري بعدا منلت الوجه بالفستق المطحون

ومنصب عليهن قطر الحلويات او الشيرة

بعدا منصفن بصحن التقديم

وتقدم الى جانب القطر..

طيبة كتير.. بتمنى تعجبكم..

صحة وهنا..💞