الكوسة بقطعها حلقات معاها معلقة زبدة و ملح و فلفل و بهارات و اشوحها و اوطى النار و اغطيها لحد ما تستوى هى بتنزل مية و تشربها مع نفسها ،،،،

العصاج بعمله نى فى نى لحمة و بصل مفروم و فلفل اخضر وبهارات و معلقة صويا صوص و ممكن تضيفى مشروم. يستوى لحد ما ينشف خالص و ميبقاش فيه اى سوايل.

البشاميل..لبن يغلى عالنار و معاه معلقة زبدة و اكون مدوبة برا دقيق فى لبن كويس اوى و اضيفه بالراحة مع التقليب علطول لحد ما يتقل شوية او يوصل للقوام المطلوب.. اطفى عليه و اضيف مكعب ماجى و رشة ملح و فلفل ابيض..

تدهن الصينية بشاميل و يرص طبقة كوسة ثم عصاج ثم كوسة و اخيرا البشاميل.. عليه رشة جبنة و رشة بقسماط خفيف و يدخل الفرن لغاية ما يتحمر الوش.. و بالهنا و الشفا..