بنحضر القهوة او الاسبرسو وبنخليها تبرد

بعدين بنخفق الكريمة مع ربع كوب السكر المطحون لحد ما تجمد بس نضل جمبها علشان ما تفقس وتخرب بعدين بنضيف الجبنة وبنخفق شي ١٠ ثواني

بنجيب القهوة وبنحليها بمعلقة سكر وشوية فانيلا بعدين بنجيب اصابع الليدي فنجر وبنغمسهم بالقهوة وبنصفهم باي طبق تقديم انتو تفضلو بعدين بنضيف قسم من خليط الكريمة والجبنة ونرش طبقة رقيقة من الشوكلا المبشورة

وبنضل ليخلص خليط الكريمة والجبنة بعدين بنرش على الوجه كمية وافرة من الكاكا وبنخليها بالثلاجة لحد ما تتداخل المكونات وكل ما خليتها اكتر باردة كل ما كانت الذ وصحتين وعافية