اغسل الصدور وانقعها ١٠ د في خل وملح و اتبلها بمعلقة زبادي ومعلقة خل ونص ليمون ونص كمية التوم المهروس ومعلقة واحدة من كل البهارات المذكوره ما عدا الكارى والكركم اسبها في التلاجة على الاقل نص ساعة

وكل ما زاد كان التست اعلى بعدها احط معلقتين زيت في طاسة واقطع البصلة والفلفل شرائح واشوحهم شوية وأنزل بالشاورما بالتتبيله بتاعتها هتنزل مايتها وتشربها على نار متوسطة

هحطلها ربع كوباية ماية عشان تدينى صوص واول ما تستوى الفراخ كدة الشاورما جاهزة

الرز البسمتى بنقعه ساعة في ماية مغلية او ساعتين حسب نوع الرز و بعدها اغسله هبشر البصلتين والجزرة واشوحهم مع معلقتين زيت وانزل عليهم بكوبايتين ونص ماية ومرقة دجاج او شوربة وأحط عود القرفة و ورق اللورى و الحبهان الصحيح و القرنقل و الملح والفلفل والكارى والكركم ملعقة من كل بهار واسيب الماية لحد ما تغلى وانزل فيها الرز المتصفى يتشرب مايته واهدى عليه النار

العيش هقطعة مربعات بالسكينة وهحمره في الزيت واطلعه على منديل يصفى الزيت وبعدها اسقيه بمرقة دجاج او شوربة زى ما تحبى والخطوة دى بتكون قبل التحضير على طول لان لو قعد كتير في الشوربة بيعجن

التومية بحط باقي كمية التوم على باقي علبة الزبادي على ملعقة خل على ملح واخلطهم كويس بالخلاط وانزل سرسوب زيت زيتون او او زيت ما يعادل ملعقة كبيرة واطبط ملحها واحطة شوية في التلاجة تتقل

اخر خطوة اجيب طبق التقديم وارص العيش ويكون باين وعليه الرز وعليه الشاورما ومن فوق اعمل خطوط بصوص التومية الف هنا اكله هيحبوها الصغيرين جداً وارجوا انى اكون استوفيت الشرح واى استفسار تحت امركم وربنا يجعله في ميزان حسناتنا يارب