اقراص الكوسة المفيدة جدا
ابني عنده سنة و نص و بحب يكون دايما عندي سناكس مفيدة ليه باستمرار و حتى ليا انا كمان فدايما بدور على الحاجات المفيدة فحبيت اشارككم الوصفة
اقراص الكوسة المفيدة جدا
ابني عنده سنة و نص و بحب يكون دايما عندي سناكس مفيدة ليه باستمرار و حتى ليا انا كمان فدايما بدور على الحاجات المفيدة فحبيت اشارككم الوصفة
إفتح في تطبيق كوكبادالخطوات
- 1
اول حاجه نبشر الكوسة 4 واحدات او اكتر و نضيف رشة ملح و رشة فلفل و نسيبها عشر دقايق تنزل ميتها
- 2
بعد كدة نعصرها كويس جدا مثلا فانلة نضيفة قديمة و اقسميها بالمقص عشان تبقي رقيقة و حطي الكوسة و اعصرى كويس
- 3
بعد كدة نضيف البيضتين لو 4 كوسات لو عدد اكبر خليهم ٣ و قلبي و حطى التوابل و الشوفان شوية بشوية لحد ما تبقي عجينة لزجه شوية لكن مش سايلة
- 4
بلى ايدك بالمية و اعملى اقراص و بططيها علشان تستوى بسرعه
- 5
على طاسة سخنة فيها زيت يادوب تسخن حلو ووطى النار و حطى الاقراص و تابعيها و لما تاخد لون حلو دهبي غامق من الناحيتين خلاص كدة
- 6
وصفة مفيدة جدا و مغذية ليكي و لطفلك و ممكن تتاكل مع سلطة زبادي او ساور كريم او لبنة مع رشة زعتر كدة او نعناع منعشين او حتة مع حتة جبنة بدل العيش وللا حتى يا ستي كليها كدة من غير حاجة 😃 و بالهنا و الشفا😙
الكوكسناب
Keywords
وصفات مشابهة
وصفات ننصحك بمشاهدتها
التعليقات