بنوضع اللبن واللحمة في طنجرة وبنحرك لحتى يغلي. وبس يغلي, بنوطي النار درجة متوسطة لمدة ساعة وربع أو ساعة ونص لحتى اللحمة تستوي.

بنضيف بهارات المنسف, هي بهارات من عند العطار وبنطفي الغاز. أهم شي اللبن ما يتغطى.

بننقع الأرز ربع ساعة وبنطبخ الأرز عادي متل اي رز ابيض.

الفريكة بننقعها بمي لمدة ساعة وبعدين بنطبخها, نص فنجان زيت ذرة وبنوضع الفريكة فوقهم وملح وانا بحب احط بهارات منسف ربع ملعقة صغيرة, مشان تحافظ على لونها وماء مقدار عقدتين اصبع.

بقلي المكسرات وبفرم شوية بقدونس للزينة. وتؤكل بجانب الجرجير و البصل الاخضر كمقبلات.

وألف صحة وهنا. ♥️