الثريدة القسنطينية
طبق تقليدي نعملو العجينة تاعها بالدقيق والماء والملح ونعجنها مليح ثم نحلها بالالة في الرقم 5 ثم ٧ثم ٩ ونحطها تنشف شوية فوق قطعة قماش نظيفة خاصة بالاكل لما تنشف نقطعها بالسكين الى مربعات صغار او كبار انت واش تفضلي ونحطها تنشف كامل حتى تيبس ونستعملوها للعولة
الثريدة القسنطينية
طبق تقليدي نعملو العجينة تاعها بالدقيق والماء والملح ونعجنها مليح ثم نحلها بالالة في الرقم 5 ثم ٧ثم ٩ ونحطها تنشف شوية فوق قطعة قماش نظيفة خاصة بالاكل لما تنشف نقطعها بالسكين الى مربعات صغار او كبار انت واش تفضلي ونحطها تنشف كامل حتى تيبس ونستعملوها للعولة
إفتح في تطبيق كوكبادالخطوات
- 1
في طنجرة نحط الزيت والزبدة وقطع الدجاج (ممكن نسعمل قطع لحم اذا كان متوفر) ونخليه يتقلى مليح مبعد نضيفولو البصلة المفرومة والتوابل والحمص ونخليهم يتقلاو مليح نمرق ونخليه يطيب اي يستوي نحط فوق الكسكاس ونفور عليه الثريدة بعد مادهنتها بشوية زيت
- 2
لما تفور نحيها ونرشها بشوية ماء ونخليها حتى تتشربه ونعاود نردها تفور للمرة الثانية
- 3
لما تفور نحيها ونحطلها شوية ملح ونرشها بشوية مرقة ونخليها تتشربها كامل ونردها تفور للمرة الاخيرة
- 4
لمايطيب الدجاج والحمص نأخذ طنجرة نفرغ فيها الثريدة ونحط قطعة زبدة ونفرغ عليها المرق حتى تتغطى قليلا فقط ونخليها فوق نار قليلة مدة 5 الى 10 دقيقة لا اكثر ونقدمها في صحن التقديم
كلمات ذات صلة
وصفات مشابهة
وصفات ننصحك بمشاهدتها
التعليقات (5)