رشتة جزائرية على الطريقة العاصمية 👍👍👍
رشتة جزائرية على الطريقة العاصمية 👍👍👍
إفتح في تطبيق كوكبادالخطوات
- 1
اولا نحطو في قدرة البصل مع الدجاج و الحمص والزيت والزبدة والتوابل ونضيفو ربع حبة لفت مرحية رقيق جدا باش المرق يجي خاثر وبنين ونقليوهم فوق النار حتى يذبال البصل نمرقو بلتر ونصف ما سخون ونخلوها طيب
- 2
ناخذ الرشتة و نحلوها بيدينا كامل وندهنوها بالزيت مليح مليح باش ما تلصقش ونفوروها التفويرة الاولى بعد ما تفور نحوها ونشمخوها بحوالى كاس ونصف من الماء ونخلوها تتشرب وتبرد بعد ما تبرد نزيدو نفوروها للمرة الثانية و نشمخوها بحوالى نصف كاس ماء و نخلوها تبرد وفي الاخير نفوروها و ناخذ غراف من المرق من الفوق فقط ونشمخوها و ندهنوها بملعقة زبدة وهاهي واجدة
- 3
اما المرق لما الدجاج يدخلو طياب نرميو اللفت وبعد حوالى 10 دقايق نر ميو الكوسة او القرعة باش ما تذوبش ونخلوهم يطيبووالمرق يتشرب و يخثار شوية فقط وبصحتكم😋😋😋😋
- 4
نصيحة فقط كنفورو الرشتة للمرة الاولى نفوروها في قدر فيه الماء فقط ثم المرة الثنية والثالثة نفوروهم على قدر المرق باش تجي بنينة و المرق ما تزيدوش الماء كل وقت لانو البنة تروحلها كاملخذو حسابكم كتفورو وتكملو نقصو للنار باش ما تشربش المرقة تاعكم قويو النار كتفورو برك وعاودو نقصو عليها طيب في غردها جي مرقة شابة وانشاء الله نكون افدتكم
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (8)