في طنجرة الضغط نحط قليل من الزيت او الزبدة ونحط قطع الدجاج واللحم حتى يتقلى مليح ثم نضيف البصل والطماطم والحمص والتوابل ونخليهم يتقلاو مليح نمرق بالماء ونخليهم حتى ينضجو نضيفلهم الخضر ونخلي الخضر حتى تنضج ايضا

من جهة اخرى في قصعة نحط الكسكس ونسومو بالماء ونخليه يقطر مبعد نحطو في كسكاس يفور لما يفور نحطو في قصعة وشوية ملح وماء ونخلطهم ونخليه يتشرب الماء ثم نعاود نفورو المرة الثانية بعدما يفور نحيه ونديرلو الزبدة ونحلو مليح بين اليدين ثم نحط في صحن كبير ونسقيه بالمرق ونزينو بالخضر وقطع اللحم والدجاج