نروحو للمرق نجيبو البصلة نسكرفجوها ونحطوها في طنيجرة مع الثوم المرحي نحطو عليه الدجاج والزيت ونضيفو التوابل راس حانوت والكمون والزنجبيل والكركم والقرفةو وريقات الرند ونخلوهم يتقلاو ملييح

البنة والسر نجاح نتاع المرقة البيضة هو انك تخلي البرمة نتاعك تتقلى مليح لما تتقلى نضيفو الحمص والخضر البطاطا الزرودية واذا عندك اللفت خير وخير

نحطو كلش مع بعض يتقلى خمس دقائق ونمرقوها بالماء ونخلوها طيب

لما يطيب (يستوي)الدجاج والخضرة نلوحو زوج حبات فلفل اخضر ونخلوهم يغليو شوية و نطفيو النار ونضيفو على رأس المغرف شوية قرفة ونخلطو مليح ونخليوها بجيه ونجيبو الدجاج نقليوه في المقلة نعطولو شوية تحميرة

نجيبو البربوشة نتاعنا نحطوها في طبق التقديم ونحطو من فوقها الخضرة نتاعنا مع الحمص ونسقيوها بالمرقة نتاعنا ونحطو الدجاج من فوق مع حبيبات الفلفل ونسكرفجو عليهم البيض المغلي من فوق وبالصحة والراحة