في الكوكوطة نحطو الزيت و اللحم نخليوه يتقلى مليح نلوحو لبصل المرحي و الملح و نداويو كلش بليزيبيس تاوعنا ونخليوهم يتقلاو اومبعد شوية نضيفو حبة الطماطم المرحية تزيد تتقلى معاهم.نضيفو زروديا بطاطا و الجلبانة (البازيلا) و الفول نخليو الخضر يتقلاو على نار قليلة.

نمرقو ونصكرو عليها لمدة نصف ساعة.نحلو عليها نحيو اللحم يكون طاب و نلوحو الجريوات يطيبو بلعقل نفورو البربوشة على زوج خطرات و ندهنوها بالدهان.كي يطيبو الجريوات نميكسي حبة البطاطا و نلوحوها فلاصوص باه تخثار شوية.حنا هكذا يشتيوها و شهية طيبة😋😋😋😋