كور البطاطس بالموتزاريلا
إفتح في تطبيق كوكبادالخطوات
- 1
هنقشر البطاطس ونغسلها كويس ونقطعها نصين لسهولة السلق ، و هنجيب حلة مياه نحط فيها ملعقة ملح صغيرة ومعلقة الزعفران والثوم ونسيبها تغلي ونحط البطاطس تتسلق
- 2
بعد م البطاطس تتسلق هنطلعها ونصفي المياه منها بدون شطف، وهنرش الكمون والكاري ومعلقة ملح ورشة زيت زيتون ونبدا بهرسها #سر_الخلطة منخليش البطاطس تتسلق زيادة عن اللزوم ومنهرس جامد عشان نعرف نكورها
- 3
في طبق هنحط ملعقة البربكيا عالبيض ونقلبهم كويس، ونحط البقسماط المطحون على الفيتجار الحار في طبق مسطح، وهنجيب الجبنة الموتزاريلا عشان نحشي بيها البطاطس
- 4
كدة كل مكوناتنا جاهزة هبدا نكور البطاطس ونحشيها موتزاريلا ونحطها فالبيض ثم البقسماط
- 5
في زيت ساخن وغزير هننزل البطاطس دقيقة بدون تقليب بس يكون الزيت مغطي البطاطس وسخن جداً.
- 6
هنطلعها ونقدمها مع معكرونة او كاتشب وطحينة حسب الرغبة، متنساش تدوق بقى وتقولي رايك.
كلمات ذات صلة
وصفات مشابهة
وصفات ننصحك بمشاهدتها
التعليقات