اول حاجه نحضر الشربات علشان يبرد (٢كوب سكرعليهم ٢كوب ماء) نقلبهم ونحطهم على النار اول مايغلي نعصر عليهم نص ليمونه ودققتين ونطفي عليه ونحط كيس فانيليا

ندخل الكنافه الفريزر يوم كامل وبعدين نضربها في الكبه او نفتتها حتت بالايد بتبقي سهله

نحط عليها معلقتين السكر البودره ونقلبهم مع بعض وننزل عليهم السمنه ونقلبها كويس

ندهن الصينيه ونحط طبقه كنافه ونظغط كويس عليها ونحط المكسرات وباقي الكنافه ونضغط كويس ونرش عليها شويه سمنه من فوق وندخلها فرن سخن ونسبها تحمر من فوق وتحت كويس

اول ماتطلع نقلبها على صينيه ونسقيها شربات بارد وبالهنا والشفا