نحط في روبو ولاليان دجاج مع فلفل اسود لاشابلوغ وحبة بيض ونخلطو كلش كيف كيف والمعدنوس والملح ونخلط يولي كي لعجينة.

اللحم كيف كيف كيما اي مثل الدجاج يولو عندي زوج عجينات وحدة دجاج وحدة لحم نحكم صاشي نفرشها في الطاولة ونحل الدجاج كاري نزيد تاني اللحم نحاو هكاك من بعد نحطهم فوق بعضاهم ويولو عندي زوج طبقات نحلهم شوية نحط فرماج (جبنة) في الخط الاول وندورهم يولو حربوش نحط طنيجرة كبيرة فيها زيت ولا زبدة ونديرو بلعقل يطيب (يستوي)حتى يتحمر نحيه وندير حبة نتع البصل شوية ملح فلفل اسود وراس الحنوت وثوم ونحمس نمرق قيس كاس ماء وتخليها تعقد وما نكون درت شنبينيو في مقلاة وشوية زبدة من بعد نرميه في لاصوص تعقد مليح نطفي

نقطع الحربوش دوائر ونحطو ونفرغ لاصوص من الفوق ونقطع المعدنوس (بقدونس) من الفوق وشهية طيبة