في كوكوطا نسكرفج البصل والطماطم ونضيف الزيت والملح والفلفل وراس الحانوت والطماطم المصبرة واللحم ونخليهم يتقلاو مليح ثم نمرق بالماء الساخن ونخليه يطيب

نقطع كل من البطاطا والزرودية والجروات على الطول ونظيفهم للمرق بعد نزع اللحم الطايب ونضيف الحمص ويمكن إضافة الفول الأخضر يجي بنين ونخليهم يطيب (يستوي)مع بعض وتخثار المرقة شوية

نحطو البربوشة في قصعة ونضيفولها شوية زيت ونبلها مليح بالماء ونخليها تنشف شوية ونحطها تفور ومن بعد نعاود نحيها ونرشها بالماء الساخن ونخليها تنشف ونضيفلها القليل من الزيت أو الزبدة والملح ونرجعها تفور