نوجد لعجين ولي هو الدقيق نبله بماء بارد مليح ونحطه يرتاح ربع ساعة. بعد مايكون رتاح لعجين تاعنا نبدا نعجن فيه اولا نرخفو شوية بالما وندلكو مليح بيدينا ومنبعد نحطه الملح وفوقه غير شوية تاع ماء باه مايكونش جاري وندهنو بالزيت ونلوزو لوزات صغار

نجي هنا نحضر الحشو تاعنا وهو :نفرم لبصل والطماطم وقرون الفلفل فرم يكون ناعم مليح ومنبعد نقطع الزيتون والدبشة فوقهم ونفرغهم في كسرونة ونضيفلهم ملاعق الطماطم المصبرة والتوابل دياولنا والملح وم ك زيت ونغليوهم على نار هادية بعد مانحس انو الصلصة قربت توجد نضيفلها التونة ونطفي عليها

نرجعو للعجين : نحطو الطاوة فوق النار ونبداو بالعجن نحطو كل زوز لوزات فوق بعضياتهم ونطيبها مش بزاف غير نعرقوها ونحطو فوقها الصلصة ونزيد نديرو زوز لوزات فوق بعضهم ونبقاو نقلبو فيها نطيب

بصحتكم لحباب واسمحولي لفوتو من غوغل لخطراه نسيت ماصورتهاش 😆😆😆