نخلط الماء و زيت و خميرة و سكر و نزيدلهم فرينة (طحين او دقيق) حتى نتحصلو على عجينة ملساء ندلكوها شوية و نخلوها تريح مليح ثم نڨرصها الى دوائر و نخيهم يريحو 5 الى 10 دقائق ثم نبدأ نحل فيهم باستعمال فرينة (طحين او دقيق) نحلهم رقاااق بزاف بزاف لانهم راح يتنفخو ثم نطيبهم في طاجين تع حديد ما نطيبهمش بزاف (قيس ما يدخلهم الطياب برك) و نحطهم في كيس بلاستيكي حتى كي نجي نستعملهم

في مقلاة ندير زيت زرودية (جزر) râpé بصل نقليهم حتى يدبالو ثم نزيدلهم قطع دجاج ماريني و فلفل اخضر حتى يطيبو و نزيد طماطم مقطعة صغيرة و م/ص هريسة و نخلي الكل يتجمرو حتى ينشف زيت و الماء تع الخضر

ثم نبدأ نعمر الخبز بالحشو و جبن مبشور يمد بنة هايلة و نديرهم في الشواية panineuse او في طاجين تع حديد حتى ياخدو لون ذهبي و يوليو يڨرمشو شوية و بالصحة و الراحة 😍