إفتح في تطبيق كوكبادالخطوات
- 1
١الجينواز: نخدموها باه نعملو قلب الخوخ او بمعنى اوضح العظم نتاع الخوخ في اناء نحط 10بيض و نضيفلهم كاس سكر و لفاني و نضرب بالفوي مليح منبعد نضيف الفرينة على دفعات مع 4 اكياس خميرة حلوى
- 2
ونخلط ونكمل الفرينة حتى الحصول على خليط ثقيل نوعا ما باه تجيني الجينواز زاكية رشي سنيوتك بالفرينة و فرغي الجينواز ساوي الوجه بالسباتول ودخليها للفرن 180درجة غير تطيب قطعيها
- 3
وحاولي تفتيها وخليها تبرد منبعد عاودي جوزيها بالروبو ماتطحنيهاش غبرة تكون شوييييية خشيشنة باه ماتتعجنلكش وحطيها بجيهة
- 4
وخليهم يدورو فالميكسور حتى الحصول على قوام كريمي ثقيييل يعني تولي شغل جامدة وحطيها بجهة
- 5
كريمة الزبدة: في طاس ميكسور من الاحسن او باتور ديري 4 بيض مع 500غ زبدة طرية مع لاغوم نتاع الخوخ مع 600غ سكر ڨلاص كلشي بارد في بارد
- 6
السيرو:في كاسرول ديري 500غماء مع 250غ سكر عادي بمعنى كيلة ماء و نصها سكر حطيهم فالكاسرول بلاااااكي تخلطيهم خليهم هكذاك خليهم على نار متوسطة غير يبدا يغلي احسبي 30د وطفي السيرو نتاع عطينة اللوز مايكونش ماء وكي طفي عليه خليه يبرد مليح
- 7
عجينة اللوز: كيلة لوز مقشر و مرحي بكيلة سكر ڨلاص لازم يكونو لزوج مسيرين مليح خليهم مليح و حكيهم مع بعضهم و عاودي رحيهم فالروبو و ضيفي شوية فانيلا و جيبي السيرو نتاعك و بداي تشمخي بالشوي فاللوز نتاعك و حكي شمخي و حكي حتى الحصول على عجينة طرية متماسكة و ماتلصقش غلفيها بورق شفاف و خليها تريح 3سا
- 8
التشكيل: صور الخطوات رفدتهم قناة اسمها قناة الحلويات الجزائرية و المغاربية باه تفهمو كيفاه شكلت لانو الصورة هي لي توصف وانا للاسف ماصورتش لانو هذاك الوقت ماكانش عندي كوكباد.على كل انا منضمة حديثا للكوكباد المهم
- 9
نجيب عجينة اللوز نرش النشا و نشكل حربوش طويل و نقطع كريات عيني ميزاني ولي خافت توزنهم احسن شي 40غ وتحطهم بجهةو تغطيهم باه ماينشفوش
- 10
نحضر الحشو: اولا اذا عندكم كونتيتي نتاع خوخ كبيرة ماتشمخوش كامل الجينواز خدمو بشوي فهموا مليح النقطة هاذي
- 11
نجيب كمية من الجينواز و نبدأ نشمخ فيها بكريمة الزبدة و نعجن حتى الحصول على عجين متماسك. ندو منو كرية نكوروها في يدنا اذا صبناها شادا روحها ماتتفتت ما تلصق اعرفي راهي سواسوا ديريهم وزن 30غ وغطيهم
- 12
التشكيل : خذي كريات عطينة اللوز حليها بيدك على شكل دائرة وحطي في قلبها الحشو و غلقي مليح عليه و كوري
- 13
اقرصي وسط الحبة بصبعتيك بلا ما تخلي لاطراس
- 14
اقرصي مليح ثم وقفي الحبة و ثقبي اعلاها بصبعك الصغير
- 15
صور التشكيل رفدتهم من قناة مطبخ الحلويات الجزائرية الف سكر ليك حتى وسمحيلي رفدت بلا اذنك
- 16
حطيهم في سنيوة مرشوشة بالنشا و جيبي قارورة بخاخة فابوغيزاتور حطي فيها شوية ماء مخلط بملون احمر و رشي الخوخ نتاعك شوية شوية وخليه ينشف.هذي خدمتي
- 17
تشكيل الورق: انا خدمت بعجينة اللوز نتاع برا زدتلها ملون اخضر و خدمتها خاطرش خلاصتلي لي خدمتها مالا سلكت راسي.حلى عجينتك قطعيها مقروطات كبار وديري خطوط في الوسط مثل الورقة و لصقيهم فالحبة نتاع الخوخ
- 18
فالاخير جيبي قطامر لي ينتباعو بقطيهم فالحبة ومسحي الورق بناكري تبيض ورشي الحبة بسكر ڨلاص
- 19
النتيجة خيال.. ولي تحب تخدم راني هنا انا من ولاية البليدة مرحبا وسهلا
Keywords
وصفات مشابهة
وصفات ننصحك بمشاهدتها
التعليقات