اول حاجه بجيب الملبن فيه مكسرات واحط عليه مكعب الزبده الطري ونعجينهم مع بعض بايدنا لحد ما يمتزجو ويطرو بعدها نشكلها كور صغيرة زي الصور كدا

تاني حاجه بنجيب نص كوب المياه الدافيه ونحط عليه السكر والخميره ونقلبهم ونسبهم شويه يخمرو (واستخدمت الكوب المعياري)في المقادير ) زي الصور كدا

نبدأ بقي نعمل الكحك اول حاجه هنجيب الدقيق ننخله كويس وننزل بالمواد الجافه كلها (كريم شانتيته و السمسم و رشة ملح وريحة الكحك وكيس لبن بودرة نيدو) ونخلطهم كويس

وبعدها نعمل حفره في النص وننزل عليها بالسمنه المقدوحه ونقلب بحاجه معدن لحد ما تبرد شويه ونبس بايدنا كويس لمده عشر دقائق او لحد ما يطري في ايدك جداً (دي اهم خطوه)وبعدها ننزل بالخميره ونقلب ثم اللبن ونعجن بايدنا كويس لحد اما العجينه تظبط معاكي ومش تشقق وبعدها نشكل العجينه ونحشي الملبن بالمكسرات وعين الجمل وننقش عادي ونحط في صاج ونسيبها تختمر لمده ساعة هتلاقي العجينه نشفت كده

ونكون مشغلين فرن مسبق التسخين على ١٨٠ درجه ونحطه في النص على الشبكه ونتابع التسويه للون الذهبي من تحت وفوق ونسيبه يبرد وبعدها نرش عليه سكر بودرة والف هنا على قلوبكم متنسونيش دعوه حلوه 😉🤗