نخلط كل المكونات بالخلاط لمدّة ١٠ دقائق وآخر دقيقة من زيد الملح. إذا بدكن تخلطوا العجينة بإديكن رح تاخذ وقت أكتر، حوالي ١٥ دقيقة.

بس نخلص من العجِن من غطّي العجينة بفوطة لترتاح حوالي ساعة ونصف بمكان دافي.

من بعد ما تِرفخ العجينة، من مدها، من قطعها على ذوقنا مع جبنة عكّاوي على وجهها أو زعتر أو أي حشوة من حبْها.

من حمّي الفرن على أعلى درجة وبعد عشر دقائق من دخّل المناقيش على الفرن لمدّة ١٠ دقائق أو يمكن أكتر شوي حسب الفرن.

لجبنة العكاوي:
أنا برشِت جبنة "العكاوي التشيكيّة" وزدت عليها ماء لمدّة ٣ ساعات وبس ما عاد فيها ملح، صفّيتها من الماء وتركتها بالبرّاد فوق المصفاية لتاني نهار.