نبدأ على بركة الله، المرحلة الأولى نقعت القمح مدة ثلاثة أيام كل يوم نغير الماء وحطيتو في الثلاجة باش ما يديرش الريحة، أما الفول نقعتو ليلة كاملة في الماء اليــوم الأخيــر مـن نقـع القمح وفي اليوم الموالي صفيت الفول والقمح وغسلتهم مليح وحطيتهم يستقطرو.

في طنجرة الضغط حطيت الزيت و الشحم ونضيف البصل والثوم والتوابل من غير الملح والكمون نضيفهم في الأخير نقليهم مليح، نخلط الكل جيدا ونضيف القمح والفول.

نقليهم شوية عاد نزيد الماء يكون غالي حتى يتغطى مليح (مثلو مثل البقوليات يبغي الماء والطياب مليح) بعدما درت الماء غلقت على طنجرة الضغط وحطيتها فوق النار تكون متوسطة مدة 40 د.

حليت على الطنجرة وضفت الملح والكمون وعاود غلق عليها تقريبا مدة 20 دقيقة إضافية كي حليت عليها صبتو طايب زبدة والمرقة مابقاتش (مزية حليتو في الوقت المناسب).
ملاحظة مهمة: ✔كي تحلي على الطنجرة وتشوفيها مخصوصة شوية طياب وماء زيديها شوية ماء سخون وخلي القمح يكمل طيابو

ويقدم بالصحة ولهنا جا بزاف بنين😋👌🏻😋.