نقطع صدر الفرخه ومكعبات صغيره وبنحط عليها التوابل بتاعتنا ملح كاري بابريكا بهارات مسله ملح كمون فلفل اسود وعلبه زبادي او رايب في بعض البلدان. على الصدر الصدر الفرخه ونحطها في التلاجه لمده ساعه وبعد كده نحضر الخطوه اللي جايه

الطماطم هنقطعها جوليان او جوانح والبصله هنقطعها مكعبات هننزل بالطماطم في الحله معاها البصلة ونضيف الصنوبر من غير اي ماده دهنيه (زيت او سمنة) وهنقلبهم لحد ما الطماطم والبصلة يدبلوا زياده وبعد كده هنشيلهم من على النار ويكونوا في مرحلة الدفئ

هناخد الفراخ اللي كانت في التلاجه هنبدا نحطها في طاسه من غير ماده دهنيه لحد ما الفراخ تاخد لون دهبي ونبدأ نجهز للخطوة اللي بعد كده

هنحط الفراخ اللي خدت لون دهبي في الحله وهننزل عليها بالصوص بتاعنا اللي هو صوص المسله وهنسيبهم ربع ساعه لحد الغليان على نار هادية

ننزلها في طبق التقديم ونضيف عليها كريمة طبخ ويتقدم معها أرز بسمتي ابيض
وبالهنا والعافية
اتمنى تجربوها وتنال اعجابكم