نقشر الفقوس و نحفره ما نزيد الحفر لانه بينفتح بسرعة و الحبة رقيقة متل الخيار... نغسله منيح و نجهزه للحشي

هي شكله قبل الحفر

نجهز الحشوة.. ننقع الارز لنصف ساعة ثم نغسله و نصفيه و نضيفله الملح و الفلفل و اللحمة و السمنة و نخلطهم منيح..

نحشي الفقوس بالحشوة و نخلي نص اصبع بدون حشوة.. و نصفهم بالطنجرة و تكون كبيرة حتى ياخدو راحتهم و يستوو منيح..

اللبن نحطه بالخلاط مع الطحين و نمزجه دقيقتين ثم نضعه بطنجرة و نسنه مع التحريك حتى الغليان مع اضافة م.ك ملح..

نصبه فوق الفقوس حتى يغمرهم تماما و نضعه على النار المتوسطة و عند بداية الغليان مع الفقوس نهدي النار على الاخير حتى ينضج ياخد اقل شي ⏰ساعة و نص ⏰ بدنا نراعي انه اللبن مع مرور الوقت رح ينشف في رح نزيده ماء سخنة و ملح و ما منغطي الطنجرة لانه بفرط اللبن

نقدحله بالثوم و نصبها فوق الفقوس و نهرس النعنع الناشف و نضعه فوقهم..

عوافي على قلبكم 🌷🌺🌻 التجرية خير برهان 👌👍