اول شي بغسل اللحمة منيح وبسلقها لتستوي، بغسل الارز وبنقعو نص ساعة

بطنجرة بحط لبن الجميد وبضيف كيلو لبن بقري وبحرك ليغلي بضيف عليه شوية من مرق اللحمة لأوصل للسماكة يلي بنحبها وبحط قطع اللحمة فوق اللبن وبتركهن يغلو مدة عشر دقائق ليتشرب اللحم طعمة اللبن وبس يخلص بضيف ملعقة سمن بلدي

بطنجرة بجهز الارز المفلفل مع بهار ومرقة اللحمة يلي ضلت وبس يستوي بمنسف التقديم بحط خبز الصاج او الشراك وبسقي بشوية مرقة اللبن وبحط الارز وبحط فوقها قطع اللحمة وبيتزين حسب الرغبة انا زينت ببقدونس مفروم ومكسرات

ووقت الاكل بسكب من المرقة تبعت الجميد فوق الارز ويقدم مع خضار والمرق فقط وصحتين وعافية 🌷