கேழ்வரகு மாவுடன் உப்பு தூள் தேவையான அளவு தண்ணீர் கலந்து சப்பாத்தி மாவு போல் பிசைந்து அதை தோசைக்கல்லில் எண்ணெய் ஊற்றி அடையாக தட்டி கொள்ளவும்.

வேர்க்கடலையை வறுத்து தோல் நீக்கி வைக்கவும். எள்ளை வறுத்து தனியாக வைக்கவும்.

கேழ்வரகு அடை சிறு துண்டுகளாக உடைத்து மிக்ஸி ஜாரில் போட்டு தூளாக அரைக்கவும்.

அதன் மேல் தோல் நீக்கிய வேர்க்கடலையை போட்டு மீண்டும் அரைக்கவும்.

தூள் செய்த வெல்லத்தை சேர்த்து அரைக்கவும்.

அரைத்த எடுத்த கேழ்வரகு மாவு அடை, வேர்க்கடலை, வெல்லம் ஆகியவற்றை ஒரு தட்டில் கொட்டவும்.

வறுத்த எள்ளை சேர்த்து எல்லாவற்றையும் கலந்து உருண்டைகளாகப் பிடிக்கவும்.

இந்த சத்து மிகுந்த கேழ்வரகு லட்டு குழந்தைகளுக்கும் பெரியவர்களுக்கும் ஏற்ற ஒன்றாகும்.