தேவையான பொருட்களை எடுத்து வைத்துக் கொள்ளவும். முதலில் வாழைக்காயின் தோலை சீவி வட்டவட்டமாக நறுக்கி தண்ணீரில் போட்டு வைக்கவும். பின்பு வாணலியில் எண்ணெய் சேர்த்து சின்ன வெங்காயத்தை வதக்கி கொள்ளவும்.

பின்பு அதனுடன் பூண்டு, இஞ்சி மிளகாய் தூள்,மல்லித்தூள் பட்டை, கிராம்பு மற்றும் தேங்காய் அனைத்தும் சேர்த்து லேசாக ஒரு முறை வதக்கிக் தனியே எடுத்து வைத்துக் கொள்ளவும். பின்பு சிறிது எண்ணெய் சேர்த்து தக்காளியை வதக்கி கொள்ளவும். அனைத்தையும் மிக்ஸியில் போட்டு மைய அரைத்து எடுத்துக் கொள்ளவும்.

ஒரு வாணலியில் எண்ணெய் சேர்த்து கடுகு கறிவேப்பிலை தாளித்து பின்பு அதில் நறுக்கிய வாழைக்காயை சேர்த்து சிறிது உப்பு சேர்த்து நன்றாக வதக்கிக் கொள்ளவும். பின்பு அதனுடன் அரைத்த விழுது சேர்த்து தேவையான அளவு உப்பு சேர்த்து நன்றாக கொதிக்கவிடவும்.

அதனுடன் தேவையான அளவு தண்ணீர் சேர்த்து நன்றாக கலந்து அதனை மூடி போட்டு 5 நிமிடங்கள் நன்றாக வேகவிடவும். 5 நிமிடம் கழித்து குழம்பு கெட்டியான பதத்திற்கு வந்தவுடன் நறுக்கிய கொத்தமல்லி தழை சேர்த்து இறக்கிவிடவும்.