प्रथम टोमॅटोचे मोठे तुकडे करून घेणे. नंतर एका पॅनमध्ये १ च. तेल टाकून त्यात जिरे टाकणे. मग दालचिनी, तमालपत्र, हिरवी वेलची, लवंग, काळीमिरी टाकून परतून घेणे. नंतर लाल मिरची, टोमॅटो, हिरवी मिरची, आले व काजू टाकून परतून घेऊन त्यावर झाकण ठेवून टोमॅटो मऊ होईपर्यंत शिजवणे. गार झाल्यावर त्याची बारीक पेस्ट करून घेणे.

दुसऱ्या पॅनमध्ये २-३ च. तेल घेऊन त्यात जिरे व हळद घालून टोमॅटोची पेस्ट घालणे. धने पावडर, भोईर मसाला, कसुरी मेथी कुस्करून टाकणे. सिमला मिरची चौकोनी कापून टाकणे व ती ह्या मसाला बरोबर तेल सुटेपर्यंत परतून घेणे. मग त्यात १कप पाणी, मीठ चवीनुसार आणि कोथिंबीर घालणे. नंतर पनीरचे चोकोनी तुकडे घालणे व थोडे पनीर किसून घालणे. झाकण ठेवून ५-६ मिनिटे शिजवणे.

एकीकडे दुसऱ्या गॅसवर कोळसा थोडे तेल टाकून गरम करत ठेवणे. मग भाजीच्या मधोमध १ वाटी ठेऊन त्यात कोळसा घालून त्यावर थोडे हिंग आणि तेल टाकून १० मिनिटे गॅस बंद करून झाकून ठेवावे. सर्व्ह करताना वरून बटर व कोथिंबीर घालणे.

हि भाजी तुम्ही चपाती/फुलका/रोटी कशाही बरोबर खाऊ शकता. कांदा व लसूण न खाणाऱ्यांसाठी पण ही उत्तम पर्याय ठरू शकते.