સૌ પ્રથમ એક વાસણમાં જરૂર મુજબ પાણી અને મીઠું ઉમેરી પાલક બાફી લો અને વધેલા પાણીને સાચવી રાખો. હવે મિક્સર જારમાં પાલક, ફુદીનો, કોથમીર, મરી પાવડર, મીઠું, પાણી ઉમેરી ગ્રાઇન્ડ કરી પેસ્ટ બનાવો.

પહેલાં સાચવેલ પાણીમાં પાલક-ફુદીનાની પેસ્ટ, લાલ મરચું, મીઠું, મેગી મસાલા, તેલ અને મેગી
નૂડલ્સ ઉમેરીને મેગી બનાવી વધારાનું પાણી કાઢી લો. હવે એમાં કોર્નફ્લોર ઉમેરી મિક્સ કરો.

એક કડાઈમાં તેલ લઇ તેમાં આદું લસણ અને બાકીની બધી પીઝા લેયર માટેની સામગ્રી ઉમેરી સાંતળો,પણ મિત્રો યાદ રાખો કે આપણે શાકભાજી અધકચરું જ ચળવા દેવાનું છે.

હવે એક ડીશમાં કટલેટનું મોલ્ડ લઇ એમાં સૌથી નીચે મેગીનું લેયર પાથરો ત્યારબાદ તેની ઉપર પીઝાનું લેયર પાથરી તેના ઉપર છીણેલું ચીઝ ઉમેરી કટલેટને ઘી વડે શેલોફ્રાય કરો અથવા ઓવનમાં ૧૮૦ ડીગ્રી તાપમાન સેટ કરી ૨૦ મિનિટ સુધી બેક થવા દો. તૈયાર થયેલ મેગી પીઝા કટલેટ ઉપર ચીલી ફ્લેક્સ નાખી ગરમાગરમ સર્વ કરો.