મગની દાળને એક કલાક સુધી પલાળો.ત્યારબાદ બધી વસ્તુઓ ભેગી કરી લો મગની દાળને મિક્સર જારમાં નાખી પેસ્ટ તૈયાર કરી લો.

ત્યાર બાદ એક વાસણમાં મેંદો, ચણાનો લોટ, સ્વાદ અનુસાર મીઠું, હળદર,અજમો, રેડ ચીલી ફ્લેક્સ અને તેલ ઉમેરીને સરખી રીતે મિક્સ કરી લો.

ત્યાર બાદ તૈયાર કરેલી પેસ્ટ ને લોટ માં નાખતા જાવ અને લોટ બાંધતા જાઓ રોટલી જેવી કણક તૈયાર કરો. અને એક ચમચી તેલ નાખીને કેળવી લો. ૧૦થી ૧૫ મિનિટ સુધી તેને ઢાંકીને રાખી દો ત્યારબાદ મોટો લુઓ લો અને તેને આછો વણી લો તેમા કાંટા ચમચી કે ચાકુથી કાણા પાડો અને તેને ત્રિકોણ આકારમાં કાપી લો.

ત્યારબાદ તેને ગરમ તેલમાં ધીમા તાપે તળી લો અને ડીશમાં કાઢી તેની ઉપર ચાટ મસાલો છાંટો. તો તૈયાર છે આપના મગની દાળના નાચોસ જે ખાવામાં ખૂબ જ ટેસ્ટી અને ક્રિસ્પી લાગે છે તો જરૂર ટ્રાય કરશો.