બ્રેડ ની એક સ્લાઇસ પર લીલી ચટણી અને એક સ્લાઇસ પર લસણની લાલ ચટણી સ્પ્રેડ કરો બંને બ્રેડ સ્લાઈસ ની વચ્ચે એક ચીઝની સ્લાઈસ મુકો. આ બ્રેડ સ્લાઈસ માંથી એક સરખા 4 પીસ કરો. આવી જ રીતે બીજી બે બ્રેડની સ્લાઈસ લઈને તેમાંથી પણ 4 પીસ કરવા.

એક પેનમાં તેલ ગરમ કરો તેમાં રાઈ, હિંગ, હળદર, આદુ મરચાની પેસ્ટ, બટાકા, મીઠું, આમચૂર પાઉડર, ચાટ મસાલો આ બધું નાખીને મિક્સ કરો.

બેસન, ચોખાનો લોટ, હળદર, હિંગ, સોડા અને પાણી આ તમામ સામગ્રીને મિક્સ કરીને જાડુ બેટર તૈયાર કરો.

તેલવાળો હાથ કરીને બટાકાનું મિશ્રણ હથેળી પર લો અને તેને મોટુ ગોળ પૂરી જેવું ચપટુ બનાવો. તેમાં વચ્ચે બ્રેડ સેન્ડવિચનો ટુકડો મુકો અને બટાકાના મિશ્રણથી તેને કવર કરીને ગોળ ગોળા બનાવી લો.

એક પેનમાં તેલ ગરમ મૂકો બટાકાના ગોળાને બેસનમાં ડુબાડીને ગરમ તેલમાં તળો.

તેને વચ્ચેથી કાપીને ટોમેટો કેચપ સાથે સર્વ કરો.