सर्वात आधी मंद गॅसवर रवा तूप घालून भाजून घ्या. मस्त खरपूस सुगंध दरवळला पाहिजे.

त्यातच खवलेले ओले खोबरे घालून पाच मिनिटे मंद गॅसवर पुन्हा परतून घ्या. खोबऱ्याचा ओलसरपणा जाऊन मिश्रण मोकळे होईल.

दुसऱ्या भांड्यात एक वाटी गुळ आणि पाव वाटी पाणी घालून एकतारी पाक तयार करा. जास्त घट्ट होऊ देऊ नका, लाडू वळताना त्रास होईल, फक्त एकतारी.

पाक झाला की त्यात आधीचे रवा आणि खोबर्‍याचे भाजलेले मिश्रण टाका आणि व्यवस्थित एकत्र करून घ्या. त्यातच आवडीचे ड्राय फ्रूट आणि वेलचीपूड घालून एकत्र करून घ्या.

हे मिश्रण साधारण तासभर झाकून थंड होऊ द्या. नंतर लाडू वळून घ्या.

चवीला सुंदर असे हे लाडू फ्रीज मध्ये 1-2 आठवडे सहज टिकतात.