એક બાઉલ માં સોજી અને પનીર મિક્સ કરો. હવે તેમાં પાણી ઉમેરો. ઈડલી જેવું ખીરું બનાવો.

હવે એક પેન માં કાંઠલો ડૂબે તેટલું તેલ લો. એમાં કાંઠલો ગોઠવો અને એક દમ ધીમા તાપે એમાં ખીરું ઉમેરો. અને એક દમ ધીમા તાપે ચડવા દો. આ ખીરું સીધું જ તેલમાં ઉમેરવામાં આવે તો છૂટું પડી જાય.

ઉપર ની બાજુ થોડું ગોલ્ડન બ્રાઉન થાય ત્યારે એક સાણસી થી કાંઠલાને પકડીને ચપ્પાની મદદ થી કાંઠલાની અંદર ની બાજુએથી માલપુઆ ને છૂટો પાડો. હવે ચીપિયા ની મદદથી માલપુઆ ને ફેરવી બીજી બાજુ ચડવા દો. બંને બાજુ ગોલ્ડન બ્રાઉન થાય ત્યા સુધી ચડવા દો. આ રીતે ત્રણ માલપુઆ બનશે.

હવે એક પેનમાં એક કપ ખાંડ અને અડધો કપ પાણી ઉમેરી ગરમ કરો. ખાંડ ઓગળે ત્યારે સીરપ જેવું મિશ્રણ થાય ત્યારે ઈલાયચી ઉમેરો. હવે તેમાં માલપુઆ ઉમેરી એને ઠાંકીને રહેવા દો. માલપુઆ માં સીરપ શોષાઈ જાય ત્યાર બાદ જે વધે તે સીરપ ને બીજા ઉપયોગ માં લઇ શકાય.