લોટ બાંધવા માટ:-લોટ મા ૩ ચમચી જેટલું તેલ 1/2ચમચી જેટલું મીઠું નાખી થોડું થોડું પાણી ઉમેરી ને ધર્મ લોટ બાંધી લો પછી અડધો કલાક રહેવા દો

પુરણ બનાવવા માટે:- મગ ની દાળ ને ૪થી૫ કલાક પહેલા તો પલાળી રાખો. પલળી ગયા પછી તેમાં થી પાણી નીતારી લો પછી મીક્ષરમાં તેને દર્દથી દળી લૅવુ..

પુરણ બનાવવા માટે:- ૧ પેન માં ધાણા, વરીયાળી, કાળા મરી,૧ ચમચી જીરૂ. નાખી ધીમા તાપે શેકી લો. થોડીવાર ઠંડુ થવા દેવું પછી તેને જાડું મોટું દળી લૅવુ

ગેસ પર ૧ પેન માં થોડું તેલ મૂકી તેમાં જીરું નાખી ધીમા તાપે શેકી પછી તેમાં દળેલ મસાલા નાખી ને ૨ સેકન્ડ સાંતળી લેવા પછી. 1/2ચમચી હિંગ નાખી. આદુ મરચાં ની પેસ્ટ ઉમેરવી.પછી તેમાં દળેલી મગની દાળ નાખો. પછી તેમાં ૧ લાલ ચટણી, 1/2ચમચી હળદર,૧ ચમચી ધાણાજીરૂ, ખાંડ. લીંબુનોરસ મેળવી ને થોડીવાર હલાવતા રહો.પછી ગેસ બંધ કરી. તેમાં ગરમ મસાલો, કોથમીર નાખો...હવે ઠંડુ થવા દો

હવે બાંધેલ લોટ ને થોડીવાર મસળી લો.પછી તેમાં થી નાના નાના લુઆ બનાવો.૧લુઉ લઈ ને તેની થોડી જાડી રોટલી વણો.રોટલી મા ૧ થી દોઢ ચમચી જેટલું પુરણ ભરી ને તેને સારી રીતે કવર કરી લો. પછી તેને સહેજ વેલણ થી જાડું વણી લો.આમ બધા જ લુઆ ની કચોરી બનાવી લો

ગેસ પર કઢાઈમાં તેલ ગરમ કરો ધીમા તાપે બધી જ કચોરી તળી લો.. પછી તેમાં વચ્ચે કાણું પાડી તેમાં લીલી ચટણી, આંબલીના ની ચટણી, મીઠું દહીં,જીણી સેવ અને ઝીણી સમારેલી કોથમીર થી સજાવી દો. તો સ્વાદિષ્ટ ગરમાગરમ કચોરી તૈયાર