સૌ પ્રથમ દુધીને છોલીને પાણીથી ધોઇને તેના નાના પીસ કરી લ્યો.
એક મોટા લીલું ઓળાનું રીંગણ લઈ તેને પણ છોલીને પાણીથી ધોઇને તેના નાના પીસ કરી લ્યો. એક્વાર આ પીસ પણ પાણીથી ધોઇ લ્યો.
હવે કુકરમાં 1 ગ્લાસ જેટલું પાણી મૂકી તેમાં રીંગ મૂકો. (પીક્ચરમાં બતાવ્યા પ્રમાણે) પાણી ગરમ થાય એટલે તેમાં દુધીનાં પીસ મૂકો.

ત્યારબાદ રીંગ ઉપર કાણા વાળી પ્લેટ મૂકી તેના પર રીંગણના પીસ મૂકી ઉપર થોડું સોલ્ટ સ્પ્રિંકલ કરી લ્યો.
ત્યારબાદ મિડિયમ ફ્લૈમ પર કુકરમાં 4 વ્હીસલ કરી લ્યો. હવે કુકર ઠરે એટલે તેમાંથી બફાયેલા દુધી અને રિંગણના પીસ બહાર કાઢી તેને ચાળણીમાં મૂકી પાણી નિતારી લ્યો.

હવે તેને બાઉલમાં કાઢીને બન્નેને સાથે જ મેશરથી મેશ કરી લ્યો.
હવે એક પેનમાં 3 ટેબલ સ્પુન ઓઇલ મૂકી ગરમ કરો. હવે તેમાં 1 ½ ટી સ્પુન આખુ જીરુ, 1 તજ પત્તુ, 1 બાદિયાનનું ચક્ર, 2 લવિંગ ઉમેરો.બધું સંતળો.
બરાબર સંતળાઈ જાય એટલે તેમાં મીઠા લીમડાના પાન અને પિંચ હીંગ ઉમેરો.
હવે તેમાં 3 બારીક કાપેલ ઓનિયન અને 2 બારીક કાપેલું લીલુ મરચુ ઉમેરો.
હવે ઓનિયનને ગુલાબી અને સોફ્ટ થાય ત્યાં સુધી સાંતળી લ્યો. ત્યારબાદ તેમાં 1 ટેબલ સ્પુન આદુ-મરચા- લસણની પેસ્ટ ઉમેરી મિક્ષ કરી લ્યો.

ત્યારબાદ તેમાં 3 બારીક કાપેલા ટામેટાં ઉમેરો. મિક્ષ કરી 2 મિનિટ સાંતળો. અધકચરા કૂક થાય એટલે તેમાં 1 ½ ટી સ્પુન કાશ્મીરી લાલ મરચુ પાઉડર, 1 ટી સ્પુન હળદર પાઉડર, 1 ½ ટી સ્પુન ધાણા જીરુ પાઉડર, ½ ટી સ્પુન ગરમ મસાલો ઉમેરી મિક્ષ કરી લ્યો. 1 મિનિટકૂક કરી તેમાં ½ કપ પાણી ઉમેરી ફરી બધું મિક્ષ કરીને ટમેટાનું મિશ્રણ એક્દમ મેશી થઈ, સરસ લાલ ગ્રેવી જેવું થઈ જાય ત્યાંસુધી કૂક કરી લ્યો.
હવે તેમાં મેશ કરેલા રીંગણ અને દુધી ઉમેરી દ્યો.

સાથે તેમાં સ્વાદ મુજબ સોલ્ટ ઉમેરી દ્યો.
હવે તેને બનેલી ગ્રેવી સાથે બરાબર મિક્સ કરી લ્યો.4-5 મિનિટ સ્લો ફ્લૈમ પર કુક કરી લ્યો. સ્પુન વડે હલાવતા રહો. જરા ઓઇલ છૂટું પડતું લાગે એટલે ફ્લૈમ ઓફ કરી દ્યો.
તેના પર 1 ટેબલ સ્પુન કોથમરી ઉમેરી મિક્ષ કરી લ્યો.
હવે ગરમા ગરમ રીંગણ દુધીનો ઓળો સર્વ કરવા માટે રેડી છે.

એક સર્વિંગ બાઉલમાં રીંગણ દુધીનો ઓળો મૂકી તેના પર થોડી કોથમરી, ટમેટાની સ્લાઈઝ મૂકી ગાર્નીશ કરો. પ્લેટમાં 1 લીમડાની સ્ટ્રીંગ અને હાફ ટમેટું મૂકી સજાવો.
લોકોને ના ભાવતા રીંગણ કે તેનો ઓળો અને દુધી, ટેસ્ટી અને હેલ્ધી રીંગણ દુધીના ઓળાનો ટેસ્ટ કરીને વારંવાર ખાવા લાગશે. પરોઠા,રોટલી કે રોટલા સાથે ખાઈ શકાય.