સૌપ્રથમ એક પેનમાં 1/2વાટકીથી વધારે તેલ ઉમેરવું.ત્યારબાદ તેમાં સ્લાઈસમાં કાપેલી ડુંગળી ઉમેરી તેને વધારે આંચ ઉપર ડુંગળી ગોલ્ડન બ્રાઉન થાય ત્યાં સુધી સાંતળી લેવી.ડુંગળી સંતળાય ત્યાં સુધી સીંગદાણાને બીજી પેનમાં લઈ શેકી લેવા.સીંગદાણા શેકાયને ઠંડા થાય પછી તેની છાલ ઉતારી તેને મિક્સર જાળમાં લઈ તેનો પાઉડર બનાવી લેવો.ત્યારબાદ તેને કાઢી તે જ મિક્સર જાળમાં આદુ-મરચાંના ટુકડા ઉમેરી તેની પેસ્ટ તૈયાર કરવી.ત્યારબાદ તેને મિક્સર જાળમાંથી કાઢી તે જ મિક્સર જાળમાં ટામેટાંના ટુકડા ઉમેરી ટામેટાંની પ્યુરી બનાવી લેવી.

ડુંગળી સારી રીતે સંતળાય જાય પછી તેમાં આદુ-મરચાંની પેસ્ટ ઉમેરી તેને બરાબર હલાવી લેવું ધ્યાન રાખવું ડુંગળી બળે નહીં.ત્યારબાદ તેમાં લીલું લસણ અને લીલી ડુંગળી અને હળદર ઉમેરવી.ત્યારબાદ તેમાં ટામેટાંની પ્યુરી ઉમેરી તેને બરાબર મિક્સ કરી લેવું.ટામેટાંની પ્યુરી ચળવા લાગે અને તેમાંથી તેલ છૂટું પડવા લાગે પછી તેમાં કાજુના ટુકડા,ધાણાજીરું પાઉડર,અથાણાંનો મસાલો,લાલ મરચું પાઉડર,બાદીયા અને મીઠું ઉમેરી તેને બરાબર મિક્સ કરી લેવું.મસાલાને ૫ મિનિટ સુધી સારી રીતે શેકાવા દેવા.

ત્યારબાદ તેમાં સીંગદાણાનો ભૂકો અને પાપડીનો હાથેથી ભૂકો કરીને અને દહીં ઉમેરવું.હવે બધી સામગ્રીને બરાબર મિક્સ કરી લેવું.ધ્યાન રાખવું જેવું દહીં ઉમેરે તેવી જ ગેસની આંચ એકદમ ધીમી કરી લેવી.દહીં ઉમેરયા પછી હલકા હાથે હલાવી તેને ૧ મિનિટ થવા દેવું.૧ મિનિટ બાદ તેમાં છીણેલું પનીર ઉમેરી બધું બરાબર મિક્સ કરી લેવું.તેલ છૂટું પડવા લાગે પછી તેમાં ગોળ અને લીંબુનો રસ ઉમેરવો.લીંબુના રસની દહીંની ખટાશ પ્રમાણે વધઘટ કરવી.