એક બાઉલમાં લાલ મરચુ, હળદર, ધાણાજીરુ અને મીઠું ઉમેરો. બરાબર મિક્સ કરો. આ મસાલાને કારેલા અને છાલ પર લગાવી દો અને 2-3 કલાક સુધી એક બાજુ અથવા સૂર્યપ્રકાશમાં રાખો.

એક પેનમાં 2-3 ચમચા જેટલુ તેલ લો. આપણે એટલું જ તેલ લઈશું જે તળવા માટે પૂરતું હોય અને પછી વધેલા તેલમાં આપણે શાક વઘારી શકીએ. સૌ પ્રથમ કાજુ અને કિશમિશને ડીપ ફ્રાય કરો. એક બાજુ રાખો. હવે કેરેલાને તેલમાં તળી લો. આશરે 5-7 મિનિટમાં કારેલા તળાઈ જાય છે. જ્યારે થોડા ક્રિસ્પી થાય ત્યારે બહાર કાઢી લો.

હવે ગેસ ધીમો કરો અને શાક બનાવવા માટે પણે આપણે આ જ તેલનો ઉપયોગ કરી રહ્યા છીએ. તેલમાં વરિયાળી, આખા ધાણા અને હિંગ ઉમેરો. તેમાં મારેલી ડુંગળી અને લસણ ઉમેરો. ડુંગળી બરાબર શેકી ન જાય ત્યાં સુધી સાંતળો.

5 મિનીટ પછી જ્યારે તેલ છૂટવા લાગે તયારે તેમાં આમચુર પાઉડર, ગોળ, શેકેલા જીરાનો પાઉડર, ગરમ મસાલો ઉમેરીને બરાબર મિક્સ કરો. તેમાં તળેલા કારેલા ઉમેરો અને ઢાંકીને 2 મિનિટ સુધી રાંધો. જ્યાં સુધી કેરેલા બધા મસાલાને શોષી ન લે ત્યાં સુધી. છેલ્લે કાજુ અને કિશમિશ ઉમેરો.

ગરમ ગરમ રોટલી સાથે સર્વ કરો. આ સબઝી મસાલાથી ભરપૂર હોવાથી આની સાથે કોઈ અથાણા કે ચટણીની જરૂર નથી.