સૌ પ્રથમ એક બાઉલમાં 1વાટકી મેંદો લો.ત્યાર બાદ તેનામાં જીરું ઉમેરો ત્યાર બાદ તેનામાં મુઠ્ઠી વળે તે મુજબ તેલનું મોળ ઉમેરો અને જરૂર મુજબ મીઠું ઉમેરી બરાબર મિક્ષ કરો.

ત્યાર બાદ તેનામાં દૂધ ઉમેરી ને લોટ ની કણક તૈયાર કરો.લોટ ની કણક બહુ ઠીલી પણના હોવી જોઈએ અને બહુ કઠણ પણના હોવી જોઈએ.ત્યાર બાદ તેને 10 મિનિટ રેસ્ટ આપો.

ત્યાર બાદ તેના ગુલા કરી ને તેને આપણે જેમ ભાખરી બનાવીએ એવી રીતે વળી લો.આને આપણે બહુ જડી કે બહુ પાતળી નથી વણવાની. વણી લીધા પછી તેને આપણે કટર અથવા ચપ્પુ ના મદદ થી કટ કરી લઈશું.

એક કઢાઈમાં તળવા માટે તેલ લઇ લો.તેલ ગરમ થાય પછી આપણે તૈયાર કરેલ સ્લાઈસ ને તલી લો.તળી લીધા પછી ઉપર થી મીઠું, મરચું અને સંચળ મિક્ષ કરીને ઉપર ઉમેરી લો અને બરાબર મિક્ષ કરી લો.તો તૈયાર છે આપણા સરસ મજાના નમકીન.