एका पातेल्यात तेल गरम करून मोहरी, जिरं, हळद, हिंग घालून फोडणी करा.

गॅस बारीक करून त्यात भेंडीचे तुकडे घाला. पाणी घालू नका.

मोठ्या आचेवर २-३ मिनिटं परतून झाकण ठेवून ३-४ मिनिटं वाफ काढा. मध्ये मध्ये झाकण उघडून ढवळा.

भेंडीचे तुकडे बुडतील एवढं पाणी घाला. चिंचेचा कोळ घाला.

झाकण ठेवून मंद गॅस वर भेंडी नरम होईपर्यंत शिजवा. पीठ होईपर्यंत शिजवू नका.

भाजीत गूळ, गोडा मसाला, लाल तिखट, नारळ, कोथिंबीर आणि मीठ घालून मिक्स करा.

पाणी घालून भाजी जितकी पातळ हवी असेल तेवढी करा. ह्या भाजीला फार रस नसतो.

एक उकळी काढून गॅस बंद करा.

गरमागरम चविष्ट भाजी पोळी / भाताबरोबर खायला द्या.