शेंगदाणे आणि काजूगर वेगवेगळे भांड्यात ५-६ तास पाण्यात भिजवून ठेवा.

अळूची पानं नीट धुवून बारीक चिरून घ्या. पानांचे देठ धुवून सोलून घ्या आणि बारीक चिरून घ्या.

अळूची पानं आणि देठ एका पातेल्यात घाला; त्यात पाणी घालू नका. भिजवलेले काजू दुसऱ्या पातेल्यात घाला; अर्धा कप पाणी घाला. दोन्ही प्रेशर कुकर मध्ये शिजवून घ्या.

भिजवलेले शेंगदाणे १ कप पाणी घालून प्रेशर कुकर मध्ये शिजवून घ्या. शेंगदाणे शिजायला जास्त वेळ लागतो.

एका कढईत तेल घालून मोहरी, हळद, हिंग, मेथीदाणे, कढीपत्ता आणि लाल मिरच्या घालून खमंग फोडणी करा.

फोडणीत अळू घाला. चिंचेचा कोळ घाला. मिश्रण ढवळून घ्या.

शिजवलेले शेंगदाणे आणि काजू दोन्ही पाण्यासकट घाला.

मीठ, गूळ, गोडा मसाला, नारळ घालून मिश्रण ढवळून घ्या. एक उकळी काढा.

मिश्रण फार दाट असेल तर पाणी घालून उकळी काढा. ही भाजी आमटीपेक्षा दाट असते.

५ मिनिटं उकळून गॅस बंद करा.