બધી દાળ ભેગી કરીને બાફી લો. બાફતી વખતે મીઠું અને હળદર નાખવી.

જાડો લોટ અને ઝીણો લોટ ભેગો કરીને એમાં મોણ અને મીઠું નાખી મસળો. થોડું થોડું કરીને પાણી લઈ કઠણ કણક બાંધવી. અડધો કલાક ઢાંકીને રહેવા દો.

તેલ લઇ તેમાં જીરું અને હીંગ નાખીસમારેલી ડુંગળી અને ટમેટું નાખી બરાબર સાંતળો. થોડીવાર પછી તેમાં લાલ મરચું પાઉડર નાખી બરાબર મિક્સ કરો. તેલ બહાર આવતું હોય ત્યારે એમાં બાફેલી દાળ નાખો. બરાબર મિક્સ કરો. અડધો કપ પાણી રેડીને ૧૦ મિનિટ સુધી ધીમા તાપે ઉકાળો. પીરસતી વખતે માખણ નાખવું

લોટ નો મોટો લૂઓ લઈ ને જાડી ભાખરી વણવી. તાવડી ગરમ થાય એટલે તેમાં ભાખરી નાખો. બે મિનીટ પછી એ ભાખરી ને પલટાવી નાખો. ફરકાવ્યા પછી ભાખરી પર આંગળી અને અંગુઠા ની મદદ થી ચપટી પાડો. થોડી ઝડપથી કરવી કેમકે ભાખરી ગરમ હોય ત્યારે આંગળી દઝાઈ જાય છે. ધીમા તાપે બંને બાજુ સેકી ઘી અથવા માખણ લગાવીને દાળ સાથે પીરસો.