بسم الله نبدأ نسلق الباذنجان بعد غسله نحط في طنجره ماء وبس يغلا منضيف الباذنجان ومنخليه يغلا ربع ساعه بدون نزع الطربوش الاخضر

ننزع الطربوش بعد نشله من الماء ونفتح الباذنجان من الوسط وعلى راس اصبعنامناخد ملح خشن ومندهن الباثنجانه من الداخل منعمل كل الحبات نفس الشي وبعدها منصفهم بمصفاه كبيره ومنحط عليهم شي تقيل لتاني يوم ليزل الميه على الاخر

هلأ منحضر الحشوه منبرش الجزر ومنبرش الفلفل الحلو كمان ومخليهم لتاني يوم متل الباذنجان لتنشف اي مي فيهم

هلأ تاني يوم منتاكد انه ما ضل مي بالباذنجان ونضعه على خرقه نظيفه ومنمسحه من برا منيح ومنضيف الجوز المقطع والتوم المقطع على الجزر والفلفل و منخلط الجوز ما منعمه كتير الذ يكون خشن ومنحشي

منحشي حبه ومنحطها بالمطربان ومنخلي شوية فراغ بعدها منحط اعواد متل الصوره ومنقلب المطربان انا ما نزل اي ماء الاني نشفته منيح بعد ما نتاكد انه فش اي مي منضيف الزيتمنخلي المطربان مكشوف وكل ما ينقص الزيت منضيف لازم يكون مغمر ومنسكر عليه وبعد اسبوع عشر ايام بكون جاهز