بالخلاط بنخلط اللبن مع الجميد مع بيضة أو ملعقة صغيرة نشا ورشة كركم ورشة هيل

بننقع الرز قبل نص ساعة أو ساعة وبنضيف مع ماء النقع ملعقة صغيرة كركم

بنسلق اللحمة مع المطيبات (بصلة ورق غار وهيل وعيدان القرفة وكبش القرنفل)

بنحط اللبن اللي خلطناه بطنجرة عالنار وبنحرك بالمشبك اليدوي لحد ما يبلش يغلي بنضيف كاسة من مرق اللحم الساخن وبنهدي النار وبنتركه يغلي على نار هادية لمدة خمس دقايق وبنضيف ملعقة سمن بلدي 😋

بنحط زيت بطنجرة تانية لحتى يسخن وبنصفي الرز من ماء النقع وبنقلب مع الزيت بنضيف الملح وكاسة من مرق اللحم الساخن وماء مغلي وبنطبخ بالطريقة المعتادة على نار هادية لحتى يستوي الرز

بنسكب الرز بالصدر أو طبق التقديم وبنرتب اللحمة وبنزيين باللوز والبقدونس ويقدم مع اللبن المطبوخ بنسميه بالاردن (المليحية أو اللبنية) وصحتين وعافيه #ام_حمزة ❤️ #رنا_فارس

هون انا سلقت افخاد جاج علشان ابني الصغير ما بحب اللحمة 😥