रताळी धुवून प्रेशर कुकर मध्ये शिजवून घ्या.

गार झाल्यावर रताळी सोलून किसून घ्या.

रताळ्याच्या किसात कॉर्न फ्लोअर, दुधाची पावडर, मीठ घालून नीट मळून घ्या. पीठ जास्त घट्ट असेल तर थोडं दूध घालून मळा. खायचा सोडा पिठात घालून पीठ एकजीव करा.

एका जाड बुडाच्या पातेल्यात साखर आणि पाणी घालून मंद आचेवर उकळून घ्या. पाक थोडा चिकट व्हायला हवा. पाकात लिंबाचा रस, वेलची घाला आणि गॅस बंद करा. तयार पिठाचे छोट्या लिंबाच्या आकाराचे गोळे करा. हाताने लांब लड वळून घ्या. आणि लड गोल फिरवून जिलबीचा आकार द्या.

अशा प्रकारे जिलब्या करून पाकात घालून घ्या.रताळ्याच्या स्वादिष्ट जिलब्या गरमगरम खायला द्या.