முதலில் பெரிய வெங்காயம், முட்டைகோஸ், குடைமிளகாய் இவற்றை நறுக்கிக் கொள்ளவும்.இஞ்சி மற்றும் பூண்டை அரைத்துக் கொள்ளவும்.சிறிதளவு புதினா, மல்லித்தழை எடுத்துக்கொள்ளவும். தாளிக்க பிரியாணி இலை, பட்டை பூ, லவங்கம் எடுத்துக் கொள்ளவும். ஒரு தக்காளியை நறுக்கிக் கொள்ளவும்.

இஞ்சி பூண்டு விழுதை எடுத்துக் கொள்ளவும். தேங்காய்பால் ஒரு டம்ளர் எடுக்கவும்.முளை கட்டிய பாசிப்பயறு எடுத்துக் கொள்ளவும்.

ஒரு குக்கரை அடுப்பில் வைக்கவும் 2. குழிக்கரண்டி எண்ணெய் ஊற்றவும். என்னை சூடு ஏறியவுடன் எடுத்து வைத்துள்ள பிரியாணி இலை, பட்டை, லவங்கம் இவற்றை சேர்க்கவும். பிறகு நறுக்கிய வெங்காயம் பச்சை மிளகாய், குடைமிளகாய்,முட்டைக்கோஸ் இவற்றை ஒன்றாக சேர்த்து வதக்கவும்.இதையெல்லாம் இஞ்சி பூண்டு விழுது சேர்க்கவும்.வதங்கிய பிறகு அரை ஸ்பூன் மஞ்சள் தூள், கரம் மசாலாத்தூள், புதினா, மல்லித்தழை,பாசிப்பயறு, ஒரு தக்காளி இவற்றை எல்லாம் சேர்த்து நன்றாக வதக்கவும். இதற்கு தேவையான உப்பு சேர்க்கவும்.

அனைத்தும் நன்றாக வதங்கிய பிறகு அரிசியை இங்கு 5 நிமிடம் ஊறவைக்கவும்.ஊறிய அரிசியை இதனுடன் சேர்க்கவும்.எல்லாவற்றையும் நன்றாக வதக்கவும். அதனுடன் தேங்காய் பால் சேர்க்கவும். ஒரு கப் அரிசி என்றால் அரை கப் தேங்காய் பால்,ஒன்னரை கப் தண்ணீர் சேர்க்கவும்.அதற்கு தேவையான அளவு உப்பு சேர்க்கவும்.அனைத்தும் சேர்ந்து நன்றாக கிளறி விட்டு குக்கரை மூடவும். இரண்டு விசில் விட்டு இறக்கி விடவும்.

குக்கரை திறந்து அதில் 3 ஸ்பூன் நெய் சேர்க்கவும். இப்போது மிகவும் சுவையான முளைக்கட்டிய பாசிப்பயறு பிரியாணி ரெடி....