સૌપ્રથમ એક પેનમાં ઘી મૂકો. ત્યારબાદ તેમાં રવો એડ કરી ધીમા તાપે શેકી બ્રાઉન કલરનો થવા દો.

ત્યારબાદ શેકેલા રવાને થોડીવાર ઠંડોથવા દો. ત્યારબાદ તેમાં પીસેલી ખાંડ, કાજૂ-બદામના પીસ અને કિસમિસ નાખી ઘુઘરા માટે નું સ્ટફિંગ તૈયાર કરો.

ત્યારબાદ એક લોયામાં મેંદાનો લોટ લો. તેમાં ઘી અને તેલનું મોણ નાખી બહુ કઠણ પણ નહીં અને બહુ ઢીલો પણ નહીં તેવો લોટ બાંધો.

પછી આ બાંધેલા લોટમાંથી નાના નાના લુઆ બનાવી એની પૂરી વણીને આ તૈયાર કરેલ સ્ટફિંગ ભરીને હાથથી નખીયાવાડી ઘુઘરા બનાવી લો.

ત્યાર બાદ એક પેનમાં તેલ ગરમ કરવા મુકો. તેલ ગરમ થઇ જાય એટલે આ તૈયાર કરેલ ઘુઘરા ને મીડીયમ આંચ પર તળી લો. બ્રાઉન કલરના થાય ત્યાં સુધી તળો.