اولا نحضر الجينواز نفس طريقة البسكويت رولي للي حضرتو من قبل نفصل الصفار عن البياض ونخفق البياض جيداً مثل الثلج ثم نضيف بالتدريج السكر العادي مع الخفق ونواصل الخفق ثم نضيف الصفار بالواحدة تلوى الاخرى ثم نضيف المواد الجافة ونخلط بالشوي بالسباتول (ملعقة)

ثم نأخذ كميات للبني والاصفر كمية صغيرة واللون البرتقالي كمية اكبر شوي من كمية الاصفر

وناخذ ورقة الطهي نرسم فيها اوراق الشجر ثم نقلبها على البلاطو ونعاود نرسمها بعجينة الكاكاو انا هنا رسمتها حسب ذوقي كل واحد يرسم الاوراق للي يحبهم ونزيدو اللون الاصفر كما في الصورة

ونزيدو اللون البرتقالي كما في الصورة نبدأ اولا من الحواف ثم نمشي للوسط

وندخلوه للمجمد من 10 دقائق الى12د المهم يتماسكو ثم نضيف العجين عليهم من الفوق ونحرك بالشوي لكي يمشي العجين الى الجوانب وندخلوه للفرن متوسط الحرارة حتى يطيب (يستوي) حوالي 12د حسب نوعية الفرن وبعدما يطيب (يستوي) نحطوه يرتاح شوي ونرشوه بالسكر عادي لكي لايلتصق كي نقلبوه ومن جهة نكونو حضرنا كريمة البرتقال بوضع عصير حبة برتقال كبيرة في كاسرونة والسكر والبيضة والقرينة نخفق على البارد ثم نصفيوه ونحطوه على النار حتى يخثر نواصل التحريك على نار هادئة ل2د ونتركه يبرد ونضيف ملعقة كبيرة زبدة ونحرك

ونحطوه داخل المول مفرش بالنيلو ونزيدو نحطو قطع البسكويت من الجوانب ونزيدو طبقات كريمة الشانتيه وكريمة البرتقال وقطع بسكويت