فى طبق كبير هنحط كل المكونات ونعجنهم كويس لمدة ١٠-١٥ دقيقة لحد ما العجينة تبقى لينة ومش بتلزق فى الايد.

نغطى العجينة بكيس نايلون ونسيبيها تخمر لمدة ساعه بالظبط لا أكتر ولا أقل.

نفرد العجينة بالنشابة على رخامة مرشوشة بشوية دقيق بسيط ونبدأ نقطعها بقطاعة الدوناتس ونسيبها ترتاح لمدة نص ساعة.

نقليها فى زيت سخن بس مش أوى لحد ما لونها يصفر، كل وش بياخد أقل من دقيقة وممكن نرصها فى صينية مدهونه بشوية زيت وندخلها الفرن على درجة حرارة متوسطة مع تقليبها لحد ما لونها يبقى دهبى.

نصفيها من الزيت على مناديل مطبخ ورقية ونسيبها تبرد ونزينها بالسكر البودرة أو الشوكولاتة المذابة وبالهنا والشفا.

نصائح لنجاح الدوناتس ✅
لازم نتأكد من نوع وصلاحية الخميرة والبيكنج بودر.
لازم نعجن كويس حوالي ١٠-١٥ دقيقة عشان العجينة تنعم بعد التخمير.
بلاش نبالغ فى كمية الدقيق اللي هنفرد بيها على الرخامة ولما نيجى نفرد العجينة لازم نفردها طبقة سميكة مش رفيعة.
ضرورى جدًا نسيبها تخمر بعد التقطيع.
الزيت اللى هنقلى فيه لازم يكون حرارته متوسطة مش سخن أوى.
ارتفاع الدوناتس فى الزيت وظهور خط أبيض فى النص يدل على نجاح الوصفة.