સૌપ્રથમ બ્રેડ ને કૂકી કટર કે ગ્લાસ થી ગોળ કાપી લો. બને એટલી મોટી કાપવી. ટોટલ ૧૦ બ્રેડ કાપવી.

૫ બ્રેડ ને સાઈડ માં મુકી દો. બાકીની ૫ કાપેલી ગોળ બ્રેડ ને નાના કૂકી કટર થી કાપી રીંગ બનાવી લો. ૫ ગોળ બ્રેડ અને ૫ રીંગ તૈયાર કરવી.

હવે એક બાઉલમાં કાપેલા ડુંગળી, કેપ્સીકમ, ટામેટું ઉમેરો. વેજીટેબલ્સ ઈચ્છા મુજબ ઇમેરી શકો છો. હવે એમા ચીઝ, ૨ ટેબલસ્પૂન ટોમેટો કેચઅપ, પીઝા સીઝનીંગ, ચીલી ફ્લેક્સ અને મરી પાઉડર ઉમેરો. બધું બરાબર મીક્સ કરો.

બીજા એક બાઉલમાં બટર, ૧ ટેબલસ્પૂન ટોમેટો કેચઅપ અને લસણ ની પેસ્ટ ઉમેરી મીક્સ કરો.

ગોળ કાપેલી બ્રેડ ઉપર બટર વાળુ મીક્સર લગાવો. એની ઉપર કાપેલી રીંગ લગાવો. વચ્ચે ચીઝ નું સ્ટફિંગ દબાવી ને ભરો. બટર થી ગ્રીસ કરેલી પ્લેટ માં મુકો.

પ્રી હીટ કરેલા માઈક્રોવેવ માં કન્વેક્સન મોડ માં ૧૮૦ ડીગ્રી પર બ્રેડ બ્રાઉન થાય ત્યાં સુધી બેક કરો.

ચીઝ બ્રેડ ડીસ્ક તૈયાર છે સર્વ કરવા માટે. ચીઝ બ્રેડ ડીસ્ક ને તમે ટોમેટો કેચઅપ સાથે સર્વ કરો. આ ડીસ્ક પાર્ટી માટે બેસ્ટ સ્નેક્સ છે. અને બહુ ઓછાં સમય માં રેડી થઈ જાય છે.